Диспансеризациядә яңа анализлар өстәлә
Татарстанның сәламәтлек саклау министры Альмир Абашев ТР Министрлар Кабинетында узган брифингта 2026 елда халык белән профилактика эшендә көтелгән яңалыклар турында сөйләде. Министр диспансеризациянең үзенчәлекләренә тукталып үтте. Бу хакта «Татар-информ» мәгълүмат агентлыгы хәбәр итә.
Хатын-кызлар өчен яңа тикшеренү
21-49 яшьтәге хатын-кызлар өчен биш елга бер тапкыр кеше папилломасы вирусы ДНКсын ачыклау процедурасы каралган. Анализ нәтиҗәсе уңай булган очракта, аналык муентыгы микропрепаратына цитологик тикшеренү үткәрелә.
Липид профиле һәм яңа анализлар
18-40 яшьтәге ир-атлар һәм хатын-кызлар өчен яңа анализ кертелә:
– Канда липопротеидны билгеләү буенча бер тапкыр анализ ясала, – дип аңлатты Альмир Абашев.
Моннан тыш, липид профиленә бәя бирү анализы түбәндәге ешлыкта үткәреләчәк:
- 18-39 яшьтәгеләр өчен – алты елга бер тапкыр;
- 40 яшьтән өлкәнрәк кешеләр өчен – өч елга бер тапкыр.
Аерым тәртипләр
Махсус хәрби операциядә катнашучылар, шулай ук хәрәкәте чикле кешеләр өчен диспансеризациянең үз тәртибе каралган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев