Аграр көллият коллективы Зур Нөркәйдә концерт куйды

29 мартта Зур Нөркәй авылы мәдәният йортында 8-11 сыйныф укучыларына, аларның ата-аналарына һәм, гомумән авыл халкына Сарман аграр көллияте коллективы зур концерт күрсәтте. "Яшик әле сөенеп" дип исемләнгән яшь буынга һөнәри ориентация буларак башкарылган концерт номерларын авыл халкы көчле алкышлар белән каршы алды. Көллиятнең матур эшчәнлеген, андагы уку шартлары, коллективның уңышлары турында видеоязма да тамашачылар күңеленә хуш килде. Соңыннан авыл җирлеге башлыгы Рәшит Гайсин коллективка иҗади уңышлар теләде, авыл халкы исеменнән зур рәхмәт җиткерде.