Яңа елда ни кияргә?

Юлбарыс нинди кием ярата? Түбәндәге киңәшләр бәйрәмдә үзеңне матур һәм уңайлы хис итәргә ярдәм итәр дип ышанабыз.
Кытай гороскопы хайваннарыннан юлбарыс – иң матуры, иң көчлесе. Аны сөендерү өчен, Яңа елны каршылаганда кия торган киемне дөрес сайларга кирәк. Ул натураль тукымадан булырга тиеш. Ефәк, күн, замш менә дигән булачак. Юлбарыс пафослылыкны, артык кычкырып торуны яратмый. Хатын-кызларга кызыклы акцентлар белән классик фасон сайларга киңәш ителә. Әйтик, ассимметрияле, кисемле киемнәр, кабарып торган итәк яки җиң. Футляр-күлмәк, юка тукымадан күп катлы итәк сайларга мөмкин. Эшлекле стильне яратучы ханымнар чалбар-костюм кия алалар. Тик алар оригиналь фасонда һәм су агымы хәрәкәтен хәтерләткән юка тукымадан булырга тиеш. Кичке комбинезон да – әйбәт идея. Аксессуар өчен чәчәк рәвешендәге брошь бик матур булачак.
Киңәшләрне Зөлфия Шәрипова әзерләде.

Фото:https://pixabay.com/ru/photos/