Яңа елда кая барыйк?

"Сарман: иң яңа хәбәрләр", 30 декабрь 2021 - 15:13

842

Районда халыкка бәйрәмнәрне мөмкин кадәр матуррак, күңеллерәк үткәрү өчен шактый чаралар күрелде.

30 һәм 31 декабрь көннәрендә 19.00 сәгатьтә район мәдәният йортында “Могҗизалы Яңа ел” дигән театральләштерелгән тамаша була. Мәдәният йортыннан алынган хәбәрләргә караганда, бик күңелле булырга тиеш. Ә бәйрәм төнендә үзәк Ял паркында халык өчен күңел ачу чаралары төне буе диярлек барачак: Яңа ел сәгатьләре сукканчы башланган бәйрәм чаралары иртәнге өчкә кадәр дәвам итәчәк.
Фоторәсемнәрдә сез бәйрәм үткәреләчәк үзәк Ял паркын күрәсез. Ә балаларга инде каникуллар башланды: рәхәтләнеп тау шуалар.
Зөлфия Шәрипова язмасы һәм фотолары