Үзебезнең Рәсәебездә дә бик матур һәм истәлекле урыннар күп
Чираттагы ял вакытында Башкортостан якларына барырга туры килде. Гаҗәеп матур табигатьле урында — пихта, нарат-чыршы урманнары, тау-ташлар арасында урнашкан, иртәләрен зәңгәр томаннар арасына яшеренгән Ассы авылы кунакларны көн дә каршы ала, озатып кала. Әлеге яклар үзенә шифалы суы, саф һавасы белән җәлеп итә. Монда ял йорты урнашкан.
