Районда терлек азыгы хәзерләү техникаларының әзерлеген бәяләү буенча үзара тикшерүләр узды

Бүген районда терлек азыгы хәзерләү техникаларының әзерлеген бәяләү буенча үзара тикшерүләр узды. Анда муниципаль район башлыгы Фәрит Хөснуллин, Авыл хуҗалыгы һәм азык-төлек министрлыгы, «Агрокөч төркеме» җәмгыяте, район авыл хуҗалыгы һәм азык-төлек идарәсе белгечләре, агрофирмалар директорлары катнашты. Җәмгыятьнең райондагы өч агрофирмасында да техникалар әзерлек сызыгына куелган. Алай гына да түгел, инде хуҗалыкларда печән әзерләүгә керештеләр, бүген-иртәгә күпьеллыкларны сенажга ура башлаячаклар.

Тикшерү нәтиҗәләре буенча исә беренче урын «Нөркәй» агрофирмасына бирелде, «Сарман» һәм «Җәлил» агрофирмалары тигез әзерлектә, дип табылды.