САРМАН

Сармановский район

18+
Рус Тат

Сарман районының чаңгычылар командасы

Сарман районының чаңгычылар командасы
  • Тасвирлама:

    Сарман муниципаль районында спорт зур популярлык казана. Соңгы елларда чаңгычылар командасы республикада алдынгы урыннарны алып тора.

  • Социаль челтәрләр:
Фәрит Сафин исемендәге «Старт» чаңгы буенча спорт мәктәбе ТР чаңгы ярышлары федерациясенең рейтингында беренче урыннарда бара. Марат Сәлахов, Илназ Маликов, Гаяз Искәндәров, Гөлия Нуртдинова, Гөлшат Шиһапова, Надежда Бедзюк, Салават Хәсәншин, Райнур Дәүләтшин, Руслан Галимҗанов, Азалия Сабирова һәм Дарья Горшенина республика җыелма командалары составларында чыгыш ясадылар. Аларның икече «Россия спорт мастеры» исеменә ия, калганнары «Россия спорт мастерына кандидат» нормативын үтәделәр. Матвей Михайлов, Миләүшә Нәсыйбуллина, Салават Юнысов, Радмир Фәсхиев һәм Амалия Шәфыйгуллина Сарман муниципаль районы командасы составында республика ярышлары җиңүчеләре булдылар. Соңгы елларда район чаңгычылары шактый уңышларга ирештеләр. Узган елның февралендә Яшел Үзән шәһәрендә үткән «Татарстан өметләре» шәхси-команда ТР Беренчелегендә Сарман командасы 19 район арасында җиңү яулады. 2023 елның декабрендә «Иң көчле чаңгычылар узышы» дип исемләнгән ТР чемпионатында Дарья Горшенина һәм Булат Филатов беренче урыннарны алдылар. Шул ук спортчылар һәм Миләүшә Гатина бераз иртәрәк – март аенда Бөгелмә шәһәрендә үткәрелгән ТР чемпионатында «Спорт остасына кандидат» исеменә лаек булдылар, Марат Зыятдинов белән Даниил Нәсыйбуллин беренче спорт разрядын үтәделәр, ә район командасы икенче урынны алды. Чаңгычыларыбыз җәй көне дә буш тормыйлар, чаңгыроллерчылар ярышларында уңышлы чыгыш ясыйлар.