ЮХИДИ бүлекчәсе хезмәткәрләре балалар бакчасына нигә барган

«Юл кагыйдәләре илендә»

Бүген «Лилия» балалар бакчасында район ЮХИДИ бүлекчәсе хезмәткәрләре катнашында «Юл кагыйдәләре илендә» профилактик чарасы үткәрелде. Зурлар һәм хәзерлек төркеменә йөрүче балалар юл йөрү кагыйдәләрен искә төшерделәр, сорауларга җавап бирделәр, үзләренең фикерләре белән уртаклаштылар. Алар игътибарына «Дозорные дорог» сериясеннән мультфильмнар тәкъдим ителде. «Минем дустым - велосипед», « Мин - пассажир!», «Юлларда яктырткыч элементлар ярдәмендә күренеп йөр» дигән мультфильмнар балалар өчен бик кызыксындыргыч һәм аңлаешлы булды. ЮХИДИ инспекторы балалар белән әңгәмә үткәрде. Алар үзләрен кызыксындырган сорауларга инспектордан җаваплар алдылар. Һәрбер балага бүләккә яктырткыч наклейкалар һәм буяу китаплары тапшырылды.

Фотолар һәм материал:Ситдикова А.