Зур Нөркәйдә ветераннар хөрмәтенә концерт булды

Зур Нөркәй авыл мәдәният йортында Җиңүнең 70 еллыгы уңаеннан сугыш һәм тыл ветераннарына юбилей медальләрен тапшыру тантанасы булып үтте. Медальләрне Сарман муниципаль районы башкарма комитеты җитәкчесе Нуретдинов Ләис Һадиевич тапшырды. Ул ветераннарны якынлашып килүче зур бәйрәм белән котлады һәм үзенең иң изге теләкләрен җиткерде. Шулай ук ветераннарны авыл җирлеге башлыгы Гайсин Рәшит, ветераннар советы җитәкчесе Абдуллина Нурия котладылар. Мәктәп коллективы һәм авыл үзэшчәннәре катнашындагы концерт ветераннарыбыз күңеленә бик хуш килде. Концерт барышында презентация һәм ветераннарның видеоязмалары күрсәтелде. Соңыннан ветераннар чәй табыны артында фикер алыштылар.