Яңа җитәкче сайланды

Бүген – 31 май көнне Сарман муниципаль районы контроль-исәп-хисап палатасына яңа җитәкче - Хаҗиева Флүзә Мөнир кызы сайланды. 
 Хаҗиева Флүзә Мөнир кызы Чукмарлы авылында туып-үсә. А.Н.Туполев исемендәге Казан дәүләт техник университетын, социаль һәм гуманитар белемнәр институтын тәмамлый. “Чулпан” күмәк, Сарман коммуналь төзелеш-ремонт предприятиеләрендә, “Сарман” төзелеш-монтаж идарәсендә, салым инспекциясендә, ведомстводан тыш сакчылык бүлегендә эшли. 2006 елдан бирле район Башкарма комитетының бухгалтер исәп-хисабы һәм отчет бүлегендә хезмәт куя. 2008 елдан шунда ук баш белгеч вазифаларын башкара. Икътисад, финанслар, бухгалтер исәп-хисабы тармагындагы хезмәт стажы - 20 елдан артык. I класслы муниципаль хезмәт референты.