Ә сез окоп ясап уйныйсызмы, дуслар? 

Балачакның матур уеннарын кем генә хәтерләми икән? Бигрәк тә урта буынның искә алырдай якты хатирәләре күптер, мөгаен. Кыш көне җитсә, тау ясап, чана шуу; урам уртасында, итек киеп, кәшәкәле сугу, дисеңме – күңел сандыгында бар да саклана. Кышкы шөгыльләрнең тагын берсе - окоп казудыр. Бала чакта кем генә ясамаган икән аны? Хәзер дә казыйлар ул яшерен чокырларны. Дөньялар гына тыныч булсын, мондый окоплар уенда гына калсын иде, дуслар. 
Район үзәгенең Ленин урамындагы бер йорт янында казыганнар бу окопны. Тыныч кына узып китеп булмады. Эх, күңелле соң кышлары! 
Ә сез окоп ясап уйныйсызмы, дуслар?

Альбина Сабирова