Сарманның "Электроника" кибете хуҗасы Рәүф Фатыйхов #ПодпишиРодителей #ПодпишиБлизких акциясенә кушылды

"ТАТМЕДИА" акционерлык җәмгыяте #ПодпишиРодителей #ПодпишиБлизких акциясен игълан иткән иде. Аңа райондашларыбыз да актив рәвештә кушылды.

Акциянең асылы шунда - район газетасына үзең язылу белән беррәттән якыннарыңны, туганнарыңны, дусларың, танышларыңны яздыру. Акциянең тагын бер дәвамчысы ­- Сарманда яшәүче даими укучыбыз, "Электроника" кибете хуҗасы, эшмәкәр Рәүф Фатыйхов.

- Район газетасына һәрвакыт язылам. Аңа язылуның үзем өчен уңайлы ысулын сайладым - газетаны редакциягә кереп алам. Туган авылым һәм Карашай Саклаудан да подписка кампаниясе башлануга бишәр - барлыгы ун кешене яздыртам. Аңа туганнарым да языла.

Газетаны гаиләбез белән укыйбыз. Иң элек беренче бит һәм яңалыклар белән танышам. Авылдашым Вәсимә Хәйруллинаның шигырьләрен, классташым Назим Мәхмутовның язмаларын яратып укыйм.