Сарманда язгы чакырылыш комиссиясе эшен башлады

Бүген хәрби хезмәткә чакырылыш буенча комиссия үз эшен башлап җибәрде. Комиссия членнары язгы чакырылышка тәкъдим ителгән егетләрне кабул иттеләр. Эш барышында булачак солдатларның теләкләре тыңланды.

Безнең районнан язгы чакырылышка 50 егетне хәрби хезмәткә чакыру нормасы бирелгән. Хәзерге вакытта илнең төрле почмакларында 150ләп район егете хезмәт итә. Татарстан Республикасы хәрби комиссариатының Сарман һәм Мөслим районнары бүлеге хезмәткәре Ленар Һадиуллин сүзләре буенча, зарланучылар юк.

Сүз уңаеннан

Язгы чакырылыш 15 июльгә кадәр дәвам итәчәк.