Сарманда муниципаль район Советының чираттагы киңәшмәсе узды

Бүген Сарманда муниципаль район Советының чираттагы киңәшмәсе узды. Аны район Советы Башкарма комитеты җитәкчесе Ләис Нуртдинов алып барды. Муниципаль район башлыгы урынбасары Гүзәл Гәрәева авыл җирлекләрендә узган халык җыеннарында яңгыраган мөрәҗәгатьләр, аларны хәл итү юлларында тукталды. "Светводканал" җәмгыяте директоры Дамир Галиев авылларда салкын су белән тәэмин ителешнең торышы, бу юнәлештәге башкарылганнар һәм проблемалар турында сөйләде.

Рангазар авыл җирлеге башлыгы Асфан Нуриәхмәтов авыл җирлегендә башкарылган эшләр белән таныштырды.

Киңәшмәдән тулырак язманы газетабызның 5 март санында укыгыз.