Сарманда "Үлемсез полк" маршы үтәчәк

9 майда республиканың барлык шәһәрләрендә, район үзәкләрендә «Үлемсез полк» маршы узачак. Башкалада ул үзәктән - Карл Маркс, Лобачевский урамнарыннан башланып, Черек күл буеннан,Кремль урамыннан үтеп,Меңьеллык мәйданында тәмамланачак. Акциядә республикадан 100000 кеше һәм туристлар катнашыр дип көтелә. Маршрут ике километрга сузыла, аның башлану вакыты 15.00 сәгатькә планлаштырылган. Бөек Ватан сугышында илебез азатлыгы өчен үз-үзләрен аямый көрәшкәннәр истәлегенә үткәрелә торган бу акциядә һәркем катнаша ала. Тулырак мәгълүматны «Үлемсез полк» Бөтенроссия хәрәкәтенең polkkzn.com рәсми сайтында табарга мөмкин.

Район үзәгендә "Үлемсез полк" маршында катнашучылар район Советы, Башкарма комитеты бинасы каршында җыелалар. Йөреш1 2.00 сәгатьтә башланачак һәм Ленин, Куйбышев урамнары аша узачак.