Сарман авылында гомер итүче Галәлиева Дөрлеҗинан Шакир кызы бүген күркәм юбилеен билгеләп үтә

Сарман авылында гомер итүче Галәлиева Дөрлеҗинан Шакир кызы бүген күркәм юбилеен билгеләп үтә - аңа 90 яшь. Тыл һәм хезмәт ветеранын олы юбилее белән котлап, муниципаль район башлыгы урынбасары Гүзәл Гәрәева аңа Рәсәй Президенты В.В.Путинның Котлау хатын, муниципаль район башлыгы Фәрит Хөснуллинның истәлек бүләген тапшырды. Сарман авыл җирлеге башкарма комитеты җитәкчесе урынбасары Дамира Сәрвәрова да юбилярга изге теләкләрен ирештерде, Дөрлеҗинан апаны балалары, якыннары котладылар, имин тормыш теләделәр. Ул, үз чиратында, үзен хөрмәтләгәннәре өчен, җитәкчеләргә, якыннарына рәхмәт белдерде.
Аның турында язманы газетаның киләсе саннарының берсендә укый аласыз.