Сарман аграр көллиятендә республика олимпиадасы үтте

Без Сарман аграр көллиятендә һөнәри белем бирү учреждениеләрендә укучыларның «Авыл хуҗалыгы производствосы тракторчы-машинисты» компетенциясе буенча «Һөнәре буенча иң яхшысы-2015» республика олимпиадасы баруы турында хәбәр иткән идек. Аның нәтиҗәләре билгеле булды. Җиңүче булып Сарман аграр көллиятеннән Айнур Ризатдинов танылды. Саба аграр көллияте студенты Галинур Ваесов - икенче, Лаеш техник-экономик техникумыннан Евгений Киреев өченче булдылар. Аларга акчалата приз, кыйммәтле бүләк һәм грамоталар тапшырылды. Аерым номинацияләрдә җиңүчеләр дә билгеләнде, һәрбер катнашучыга Казан аграр университетының беренче курсына алыну турында сертификат тапшырылды, мастерлар һәм укучылар да билгеләп үтелде.

Тулырак язманы газетабызның алдагы саннарыннан укыгыз.