Саклаубашта район волейбол ярышы узды

Февраль ае - хәрби патриотик айларның берсе. Җиңүнең 70 еллыгы кысаларында бу айда күп кенә кичәләр, очрашулар үтә. Саклаубаш авылында авыл җирлеге кубогына узган волейбол ярышлары да шушы датага багышланган иде. Аларда районның 7 командасы -Саклаубаш, Иске Имән, Зур Нөркәй, аграр көллият, Сарман,"Һиләл", Мортамак, Иске Кәшер спорт сөючеләре катнашты.

Ярышлар бик мавыктыргыч үтте. Мортамак, Сарман, «Һиләл», Иске Кәшер,Саклаубаш командалары аеруча көчле уен күрсәттеләр. Мортамаклыларга күчмә кубок, барлык ярышта катнашучыларга истәлекле буләкләр тапшырылды. Иң яшь спорт сөюче итеп Сарманнан килгән Вахитов Исламга аерым бүләк тапшырылды.

«Сәламәт, нык, ышанычлы һәм Ватанны сакларга һәрчак әзер булыйк». Шушы девиз бәлән яшәргә кирәк, диделәр спорт сөючеләр.