Райондашыбыз "Җырлыйк әле!" тапшыруын алып бара

"Яңа гасыр" телеканалында "Җырлыйк әле!" тапшыруын караганыгыз бардыр. Ул, төрле сәбәпләр аркасында, бер елга ябылып торган иде. Хәзер тапшыруны, тамашачылар соравы буенча, янәдән эфирга кайтардылар. "Җырлыйк әле!" программасын Алина һәм Азат Кәримовларның яшь гаиләсе алып бара. Алина чыгышы белән - безнең районнан, Сарайлы авылыннан.

"Җырлыйк әле!" тапшыруында катнашучылар фонограммасыз җырлыйлар. Ул һәр шимбә "Яңа гасыр-Татарстан" каналында - 20.30 сәгатьтә, "Яңа гасыр-Планета" каналында 20.10 сәгатьтә чыга.

Алина Кәримованың ВКонтакте челтәрендәге шәхси битеннән фото