Райондашларыбыз "ТАТМЕДИА" җәмгыятенең призларына ия булдылар

"ТАТМЕДИА" акционерлык җәмгыяте үзенең абунәчеләре арасында "Подписка өчен - телевизор" конкурсын үткәрүне дәвам итә. Аның нәтиҗәләре билгеләнде.

Әлеге конкурста теләгән һәркем катнаша алды. Аның шартлары буенча "ТАТМЕДИА"га караган, ким дигәндә, өч басмага язылырга һәм квитанцияләрнең күчермәләрен оештыручыларга җибәрергә кирәк иде. Кем күбрәк языла, шуның җиңү мөмкинлеге зуррак булды.

Айпад, фотоаппаратлар, савыт-сабалар җыелмасыннан тыш, һәрбер районнан иң күп подписка суммасы булган абунәчегә бүләк җыелмасы тапшырылды. Безнең районнан бүләкләүчеләр дә булды. Чукмарлы авылыннан Фәһимә Мөхәммәтшина савыт-саба җыелмасы отты, районның иң актив матбугатка язылучысы - Мортыштамак авылыннан Резедә Газизова махсус приз белән бүләкләнде.

Фәһимә апа бүгенге көндә лаеклы ялда, ә Резедә Газизова район Советының гомуми бүлеге начальнигы булып эшли.

Тулырак язманы район газетасының алдагы саннарыннан укый аласыз.