Райондашларыбыз алтын юбилейларын бәйрәм итәләр

ТАССРның атказанган мәдәният хезмәткәре, СССРның, Татарстанның язучылар берлеге әгьзасы, журналист, шагыйрә Клара Булатова белән тормыш иптәше Нәфис абый  бүген гомер бәйрәмнәрен билгеләп үтәләр. Карамалы кызы хезмәт юлын да туган ягында - Түбән Ләшәү мәктәбендә башлый. Ә гаилә башлыгының тормышы хәрби хезмәт белән бәйле. Бер-берсен аңлап, иңне-иңгә куеп үткән ярты гасыр гомердә авырлыкларны да, бәхетле мизгелләрне дә бергә кичерәләр. Бүгенге көндә Әлмәт районы Нәдер авылында гомер кичерәләр алар, бала-оныкларга сөенеп яшиләр.

- Бабаема рәхмәт, тормышымда терәк булды. Икенче елга 50 ел тула бит инде уртак тормыш башлаганга, - дигән иде Клара апа, узган ел җәй көне очрашкач. Әле киләчәктә дә тигез гомер, ныклы саулык насыйп булсын үзләренә.

Альбина Сабирова