Өлкәннәрне сөендерик әле!
Бүген 1 октябрь – Халыкара өлкәннәр көне. Ул, елдагыча, 1 октябрьдән алып 10 сына кадәр декада рәвешендә үткәрелә.
Тәҗрибә күрсәткәнчә, өлкәннәр газетабыз “Сарман”ны яратып укыйлар. Алар аны почта аша да алдыралар, альтернатив вариантына да язылалар. Халыкара өлкәннәр көне, Өлкәннәр декадасы уңаеннан, аларга үзенчәлекле бүләк ясарга – яраткан газеталары “Сарман”га яздырырга тәкъдим итәбез, хөрмәтле райондашлар! Өстәвенә Өлкәннәр декадасы газетага ташламалы язылу декадасы белән дә туры килә. Димәк, Сез икеләтә отачаксыз. Почта бүлекчәләренә яки редакциягә якыннарыгызны – өлкән яшьтәге әти-әниләрегезне, әби-бабайларыгызны сөендерергә ашыгыгыз, кадерле дуслар!
Газетаны “кыйммәт” дияргә ашыкмагыз. Аның бер айлык бәясе 128,96 сум гына килеп чыга. Ташламалы ункөнлектә яздырсагыз - 119,87 сум.
Реклама
Следите за самым важным и интересным в Telegram-каналеТатмедиа
Нет комментариев