"Мин сиңа гашыйк булдым" конкурсы. Сарманнан Алия Ситдыйкова

"Мин сиңа гашыйк булдым" конкурсында чираттагы катнашучыбыз - Сарманнан Алия Ситдыйкова.

"Булачак ирем белән ВКонтакте челтәрендә таныштык. 9 Май бәйрәмендә ул миңа шалтыратты, икенче көнне очраштык. Без бер-беребезне бер күрүдә үк ошаттык! Аннан, ярты еллап очрашып йөргәч, 2011 елның 10 декабрендә никах укыттык. Шулай итеп, мин Иске Әлмәт авылына килен булып төштем. Җәй көне гөрләтеп туй үткәрдек. Аллага шөкер, хәзер ике җимешебез үсеп килә: Айварга - 3 яшь, Иделияга - 7 ай. Алга табада шулай матур яшәргә язсын!

Барыгызныда якынлашып килүче, безнең хисләрне яңартучы сихри көн белән! Яратып hәм яратылып яшәгез!" - дип язды ул безгә.