Матбугат үзәгеннән көн рецепты – яшь чөгендер һәм кара ачы тормадан салат

Сезгә яшь чөгендер һәм кара ачы тормадан салат рецептын тәкъдим итәбез.

Кирәк булалар:

- кара ачы торма - 1 данә;

- чөгендер - 1 данә;

- башлы суган - 1 данә;

- үсемлек мае - 5 аш калагы;

- шикәр - 1 чеметем;

- тоз - тәм буенча.

Зур суганны чистартабыз һәм майда алтын төскә кергәнче кыздырабыз. Шикәр салырга була.

Ачы торманы чистартабыз һәм уабыз.

Яшь чөгендерне уабыз. Пешермибез!

Чөгендер, торма һәм суганны бутыйбыз. Бераз тотабыз.

Барлыгы 30 минут вакыт кирәк.