Матбугат үзәгеннән көн рецепты – әтәч гөмбәсеннән крем-аш

Сезгә әтәч гөмбәсеннән крем-аш рецептын тәкъдим итәбез.

Кирәк булалар:

• әтәч гөмбәләре - пюре өчен 700 грамм + 100 грамм;
• шалот суганы - 200 грамм;
• ак гөмбәләрдән шулпа - 50 миллилитр;
• каймак - 50-70 грамм;
• сарымсак - 3-4 тырнак;
• тимьян - 2 сабак;
• зәйтүн мае - 50 грамм;
• петрушка - 3-4 сабак;
• тоз, борыч - тәм буенча.

Әтәч гөмбәләрен яхшылап юабыз һәм киптерәбез. Бер уч ваграк гөмбәләрне кырыйга куеп торабыз. Калган өлешен һәм суганны турыйбыз, майда пычак белән бераз сытылган тимьян сабагы һәм сарымсак белән кыздырабыз. Суытабыз, тимьянны һәм сарымсакны алабыз.

Яшелчәләрне блендерга салабыз, пюрега әйләндерәбез. Шулпа өстибез. Пюрены кәстрүлгә салабыз.

Калган әтәч гөмбәләрен бөтен килеш майда кыздырабыз. Алыр алдыннан тоз, борыч сибәбез, вак итеп туралган сарымсак һәм петрушка өстибез.

Пюрены җылытабыз, каймак салабыз. Тоз, борыч сибәбез. Ашны тәлинкәгә салабыз, өстенә - кыздырылган әтәч гөмбәләре, тимьян сабаклары белән бизибез.

Барлыгы 30 минут вакыт кирәк.