Хәниф абый исемендәге премияләр тапшырылды +ВИДЕО

"Сарман: иң яңа хәбәрләр", 10 сентябрь 2020 - 13:19

1173

Узган ел газетабызның 88 еллыгы уңаеннан без иң актив – ел буена тырышып эшләгән хәбәрчеләребез өчен якташ язучыбыз, журналист, Татарстанның атказанган мәдәният хезмәткәре Хәниф Хәйруллин исемендәге премия булдырган идек һәм аның иганәчесе булырга язучының улы Ленар Хәйруллин бик теләп ризалык белдергән иде.

Бүген Сарман мәгълүмат-мөхәррият үзәгендә әлеге премияләрне тапшыру тантанасы булды. Аларга редакция коллективы Фәһимә Мөхәммәтшинаны (Чукмарлы авылы), Мөнирә Исмәгыйлованы (Мортамактан) һәм Альбина Хөснуллинаны (Сарман) лаек дип тапты.
Тантанада Ленар Хәниф улының тормыш иптәше Гөлнара ханым, сеңлесе, язучының кызы Айгөл ханым да катнашты.
Бу хактагы тулырак язманы газетабызның чираттагы санында укый аласыз.
Зөлфия Шәрипова язмасы һәм фотолары