Күңелле көтелмәгәнлек бәйрәменә кушылыйк

Күңелле сюпризларны, искәрмәс сөенечле хәбәрләрне кем генә яратмый икән? Кеше күңеле төпсез диңгез кебек, дигән бер акыл иясе. Аңа шатлыгы да, борчуы да сыя. Әмма бу тормышта сөенечле, күңелне, кәефне күтәрә торган мизгелләр күбрәк булса иде.
Көз көне кәеф төшәргә генә тора. Нәкъ менә бүген якыныңның, дустың-туганыңның кәефен күтәрергә сәбәп бар. Көне шундый – бүген Күңелле көтелмәгәнлек бәйрәме билгеләп үтелә. Әйдәгез, телефоннан шалтыратыпмы, күрешепме, кунакка барыпмы, бер-беребезне бәйрәм белән котлыйк, күңел җылыбызны башкаларга да бүләк итик, хәерле эшләр, сөенечле хәбәрләр телик. Бүгенге заманда ул - бигрәк тә актуаль бүләк.

Альбина Сабирова