Кайсы Һадиуллин җитәкләгән җирлектә бадминтонны шәп уйныйлар?

Алдан хәбәр иткәнчә, бүген авыл җирлекләре арасында үтүче Спартакиада кысаларында бадминтон буенча ярышлар узды. Аларда 11 команда катнашты. Нәтиҗәдә Чукмарлы авыл җирлеге җыелма командасы җиңү яулады. (Җирлек башлыгы - Илшат Һадиуллин). Шактый спорт төрендә алдынгылыкны бирмәүче мортамаклылар (башлыклары - Илдар Һадиуллин) бу юлы икенче булдылар. Өченче урынга Илексаз авылының бадминтон сөючеләре чыкты. Ләшәү Тамак командасы дүртенче булды. Район Башкарма комитеты җитәкчесе Фәндәс Вәлиев һәм яшьләр эшләре, спорт һәм туризм бүлеге начальнигы Илгизәр Гаделшин җиңүчеләргә Кубок, медаль һәм грамоталар тапшырдылар.

Альбина Сабирова