Иске Минзәләбашта яңа башлык сайланды

Иске Минзәләбаш авыл җирлегенең 5 санлы бермандатлы сайлау округы депутаты Габдрахманов Айдар Наил улы җирлек башлыгы булып сайланды.
Ул 1971 елның 27 гыйнваренда Иске Минзәләбаш авылында туган. 2015 елда Әлмәт дәүләт муниципаль хезмәт институтын тәмамлаган. Хезмәт юлын сәүдә өлкәсендә эшләп башлый. Контролер, экспедитор, товар белгече аннан РайПОда җитештерү мөдире, директор урынбасары, нефтьчеләрдә бүлек начальнигы вазифаларын башкара. Гаиләле. Тормыш иптәше Гөлназ Рәсит кызы белән бер кыз һәм ул тәрбиялиләр.