Яңа Әхмәттән Хөснуллиннар балалары өчен барлык мөмкинлекләрне булдырганнар

"Сарман: иң яңа хәбәрләр", 18 апрель 2024 - 14:36

1101

Апрель аеның яңгыр пыскаклап торган бер көне. Тик һавадан, күкне каплап алган каракучкыл болытлардан яз исе килә. Яңа Әхмәт авылының Муса Җәлил урамына урнашкан өч катлы йортыннан да җылылык сирпелә сыман. Бу шулай булырга тиештер дә. Әлеге йорт хуҗалары – Ильяс белән Рәзимә Хөснуллиннар үзләренең ике балалары янына җиде ятимне дә сыендырганнар. Сабый чактан ук тормышның ачысын-төчесен күргән ул балаларның йөрәк яраларын бәйләр өчен, игътибар, күңел җылысы, ай-һай, күп кирәктер!