САРМАН

Сармановский район

18+
Рус Тат
2024 - Гаилә елы
Җәмгыять

Гыйнварда илкүләм проект буенча ике меңнән артык өлкән татарстанлы диспансеризация узды

Татарстанда авыл җирлегендә яшәүче ике меңнән артык өлкән яшьтәге кеше 2024 елның гыйнварында диспансеризация үтте.

Медицина тикшерүе Россия Президенты Владимир Путин йөкләмәсе буенча гамәлгә ашырыла торган «Демография» илкүләм проектының «Өлкән буын» федераль проекты кысаларында оештырыла.

65 яшьтән өлкәнрәк кешеләрне диспансеризация, һәм шулай ук социаль әһәмияткә ия инфекцияле булмаган аерым авыруларны ачыклый торган өстәмә скрининглар узар өчен район хастаханәләренә алып баралар.

Гражданнарны медицина оешмасына халыкка социаль хезмәт күрсәтү комплекслы үзәкләренең мобиль бригадасы «Өлкән буын» проектын гамәлгә ашыру өчен махсус сатып алынган транспортта китерә. Мәсәлән, 2023 елда район хастаханәләренә 61 194 өлкән яшьтәге авыл кешесен алып барганнар, бу – планлаштырылганнан 3 мең кешегә күбрәк, дип сөйләделәр ТР Хезмәт, халыкны эш белән тәэмин итү һәм социаль яклау министрлыгында.

Әлеге проект өлкән гражданнарның тормыш сыйфатын яхшыртуга, актив озын гомер кичерү өчен шартлар тудыруга юнәлдерелгән. Диспансеризация үтеп тору сәламәтлек белән проблемаларны вакытында ачыкларга һәм дәвалана башларга булыша, дип искәрттеләр ведомствода.

Реклама

Быел 57 меңләп гражданны медицина оешмаларына алып барырга планлаштырыла. Бүгенге көндә район хастаханәләрендә 2 864 өлкән яшьтәге авыл кешесе булып кайткан инде.

Россиядә илкүләм проектлар РФ Президенты Владимир Путин инициативасы һәм йөкләмәсе белән 2019 елдан гамәлгә ашырыла. Алар 2024 елда төгәлләнәчәк. 2023 елның 21 декабрендә Стратегик үсеш һәм илкүләм проектлар буенча советның утырышында дәүләт башлыгы яңартылган программалар әзерләргә һәм тормышка ашыра башларга йөкләмә бирде.

Тулырак: https://tatar-inform.tatar/news/gyinvarda-ilkulam-proekt-buenca-ike-mennan-artyk-olkan-tatarstanly-dispanserizaciya-uzdy-5882613

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

1

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев