Әдәби марафонда теләгән һәркем катнаша ала

20 октябрьдә Казан шәһәренең "Пирамида" мәдәни-күңел ачу үзәгендә XIII Дөньякүләм Әдәби марафон тантанасы үтте.

Аңа Россиянең төрле төбәкләреннән - Башкортстан, Удмуртия һәм Чувашия Республикасы, Киров, Омск һәм Чиләбе өлкәләреннән, Пермь краеннан һәм Санкт-Петербург шәһәреннән үз туган телен, татар әдәбиятын, мәдәниятен яраткан һәм башкаларны да кулларына китап алып укырга чакырган марафончылар килгән иде. Марафонда Австралия һәм Согуд Гарәбстаныннан да катнашучылар булган. Бу тантанада Сарман урта мәктәбе укытучылары, китапханәчесе һәм башлангыч сыйныф укучылары да катнаштылар.
Бәйрәм барышында әдәби марафонда катнашкан барлык районнар да сәхнәгә чыгып, истәлекле бүләкләр алды. Ә инде бәйгенең иң кульминацион мизгеле бәйге финалистлары арасында призлы урыннарны билгеләү була. Әлеге дәрәҗәле урыннар татар әдәбиятын ВК челтәрендә аеруча нык популярлаштырган, татар әдәбиятына карата иң нык кызыксыну һәм мәхәббәт тәрбияләгән марафончыларга бирелә. Бу марафонда беренче урында – Саба, икенчедә – Лениногорск, өченчедә Балтач һәм Казан әдәбият сөючеләре булдылар. Сарман районы китап сөючеләре дүртенче урында булдылар. Районыбыз - иҗади, сәнгатькә гашыйк, туган телен, мәдәниятен хөрмәт итүче, үстерүче район. Киләсе марафонда безнең район да сәхнәләрне тутырып, җиңүчеләр рәтендә торыр, дигән ышаныч бар.
Бәйгенең ешлыгы - квартал саен. Марафон 1 гыйнвар, 1 апрель, 15 июль (мәктәп укучылары өчен генә), 1 октябрь көннәрендә башланып китә һәм 21 көн дәвамында бара, марафоннарда татарча яза һәм укый алган һәркем катнаша ала.
Ә инде әдәби марафончылар рәтенә басарга теләүчеләрне 2021 елның 1 гыйнварында башланып китәчәк XIV марафонда катнашырга чакырабыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:25
    Сарманлылар Гаилә көнен бәйрәм иттеләр
  • 28 июнь 2021 - 13:25
    Урта Әләзән халкы сарманлыларга кушылып җырлады
    https://youtu.be/mpSvb4OhV0U
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар