Өчөйле Саклау авылы мәчетендә "Бәхет нигезе - әниләрнең догасы" дигән бәйрәм кичәсе үтте

Яз кояшы елмаеп карап, табигатьнең уяна башлаган мәлендә язның тәүге бәйрәме - Халыкара хатын-кызлар көнен бәйрәм итәбез.

Хатын-кыз - ул кешегә тормыш бүләк итүче, җир йөзендәге буыннар чылбырын дәвам итүче, гомумкешелек кыйммәтләрен саклап, буыннан-буынга тапшыручы изге зат. Әниләребезнең бер җылы сүзе безнең күңелләребезне күтәрә, бер җылы карашы барлык авырлыкларны юып алгандай юкка чыгара. Хатын-кызлар - гаилә учагын сүндерми саклап тотучылар. Балаларына мәрхәмәтле, шәфкатьле әни, ә ирләренә ягымлы хатын да алар. Әниләребез, әбиләребез алдында без баш иябез,алар белән горурланабыз. Шул уңайдан Өчөйле Саклау авылы мәчетендә "Бәхет нигезе -әниләрнең догасы" дигән исемдә чәй өстәле артында бәйрәм кичәсе үтте.Бәйрәм белән Саклаубаш авыл җирлеге рәисе Габидуллина Лилия һәм авылыбыз мулласы Марс Загидуллин бәйрәм белән котлап,изге теләкләрен җиткерделәр.