Бүген районда министр урынбасары булды

"Сарман: иң яңа хәбәрләр", 11 ноябрь 2020 - 14:38

1036

Бүген районда эшлекле сәфәр белән Татарстан Республикасы юстиция министры урынбасары Надежда Рагозина булды. Ул район башлыгы Фәрит Хөснуллин, район суды рәисе Ринат Хәйбрахманов, җәмәгать судлары коллективлары белән очрашты, эшче киңәшмә үткәрде. Бер уңайдан ул районның җәмәгать судлары коллективларын 20 еллык бәйрәмнәре белән тәбрикләде, җәмәгать судларында күп еллар тырыш хезмәт куючыларга Юстиция министрлыгы бүләкләрен тапшырды. Район башлыгы Фәрит Мөнәвирович та үз чиратында иң тырышларны билгеләп үтте, аларны Рәхмәт хатлары һәм истәлекле бүләкләре белән сөендерде.
Зөлфия Шәрипова язмасы һәм фотолары