Азалак мәктәбендә методик берләшмә утырышы узды

"Сарман: иң яңа хәбәрләр", 26 ноябрь 2018 - 11:32

1263

23 нче ноябрь көнне МБГБУ “Азалак төп гомумбелем бирү мәктәбе” ндә сынлы сәнгать укытучыларының муниципаль методик берләшмәсенең “Сынлы сәнгать дәресләрендә традицион булмаган алымнар куллану” темасына утырыш узды.

Утырышта башлангыч класс укытучысы Локманова И.М. “Пластинография ысулы белән рәсем ясау” һәм сәнгать укытучысы Хәкимова Г.Ф. “Эбру – суда рәсем ясау сәнгате” темаларына мастер-класслар үткәрделәр. Килгән кунаклар Әниләр көненә багышланган “Әнием – күз нурым” исемле концерт-тамаша карадылар. Мәктәбебез укучылары кунакларга җыр-биюгә сәләтле, сәнгатькә гашыйк булуларын күрсәттеләр.