Ана капиталы сертификатлары тапшырылды

8 март - халыкара хатын-кызлар көне алдыннан район мәдәният йортының гражданлык хәле актларын теркәү залында ике парга ана капиталы сертификатларын тапшыру тантанасы үтте. Дәүләт сертификатына Сарман авылыннан Лилия һәм Ленар Җиһаншиннар, Рамилә һәм Альмир Моратовлар ия булдылар. Яңа туган сабыйларның берсе - кыз, икенчесе - малай. Район гражданлык хәле актларын...

8 март - халыкара хатын-кызлар көне алдыннан район мәдәният йортының гражданлык хәле актларын теркәү залында ике парга ана капиталы сертификатларын тапшыру тантанасы үтте. Дәүләт сертификатына Сарман авылыннан Лилия һәм Ленар Җиһаншиннар, Рамилә һәм Альмир Моратовлар ия булдылар. Яңа туган сабыйларның берсе - кыз, икенчесе - малай.

Район гражданлык хәле актларын теркәү бүлеге начальнигы Гөлчәчәк Вәлишина Җиһаншиннар гаиләсенә икенче балалары - кызлары Алсу, Моратовларга уллары Мансур туу турында таныклыклар тапшырды. Бәйрәмгә килгән кунаклар: район Башкарма комитеты эшләре белән идарә итүче Юлия Исмәгыйлева, Пенсия фонды идарәсенең клиентлар хезмәте җитәкчесес Асылъяр Харисов, "Гаилә канаты астында" региональ җәмәгать оешмасы җитәкчесе Фәридә Шәйдуллина, "Бердәм Россия" сәяси партиясенең җирле бүлекчәсе башкарма комитеты җитәкчесе Гөлүсә Харисова әти-әниләргә изге теләкләрен юлладылар. Асылъяр Харисов әлеге акчаларны торак шартларын яхшыртуга, баланың белем алуына тотарга, шулай ук әниләрнең пенсиясенең тупланма өлешенә юнәлдерергә мөмкинлеген әйтеп үтте. Бәйрәм куанычын уртаклашырга кечкенә Алсу белән Мансурның апалары Айсылу белән Мәрьям дә килгән иделәр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде