2016 елда районда су объектларын саклап калуга зур игътибар биреләчәк

Татарстан Президенты Рөстәм Миңнеханов чираттагы елга исем бирү турындагы Указга кул куйды.

2016 елны Татарстанда Су саклау зоналары елы дип игълан иттеләр.

Бу елны җәмәгатьчелек игътибарын су объектларын саклап калу һәм торгызу, сулы биологик ресурслар тирәлеген саклау, халык өчен уңайлы шартлар тудыруга юнәлтү күздә тотыла.

Миңнеханов 2016 елны Идел һәм Каманың су саклау зоналары елы дип игълан итү турында апрельдә үк белдергән булган. Шул чагында ук республика башлыгы елгаларның су саклау зоналарын тәртипкә китерү буенча программа эшләргә һәм махсус эшче төркем төзергә кушкан.