Районда рудниклар базасында фәнни-мәгариф комплекс булдыру мәсьәләсе буенча киңәшмә үтә

Бүген Татарстан Республикасы Президенты ярдәмчесе Олеся Балтусова җитәкчелегендә урман хуҗалыгы, туризм, җир һәм милек мөнәсәбәтләре, экология һәм табигать ресурслары министрлыклары вәкилләре һәм башка белгечләр Сарман районына рудниклар базасында фәнни-мәгариф комплекс булдыру мәсьәләсе буенча киңәшмәгә килделәр. Кунакларны район Башкарма комитеты җитәкчесе Фәрит Хөснуллин каршы алды һәм озатып йөрде. Аларны сәламләгәннән соң ул районның социаль-икътисади хәле белән таныштырып китте. Кунаклар арасында да эш юнәлеше буенча тәкъдимнәр белән чыгыш ясаучылар булды. Аннары барысы да киңәшмәнең практик өлешенә Бакыр базына юл тоттылар.