Энгель Фәттахов һәм Илшат Фәрдиев Сарман аграр көллиятенә эшлекле сәфәр кылдылар

Республика агросәнәгате өчен белгечләр әзерләү буенча ресурс үзәге буларак Сарман аграр көллияте билгеләнгәне барыбызга да мәгълүм инде. Бүгенге көндә көллиятнең төп бинасында үзгәртеп кору, кабинетларны яңа таләпләргә яраклаштыру эшләре бара. 11 июньдә көллияткә Мәгариф һәм фән министры Энгель Фәттахов, "Сетевая компания" җәмгыяте генераль директоры Илшат Фәрдиев эшлекле сәфәр кылдылар. Аларны муниципаль район башлыгы Нәфис Закиров озатып йөрде. Кунаклар төзекләндерү объктында булып, эшләр барышы белән таныштылар, көллиятнең укыту хуҗалыгында булдылар.