Казандагы Республика онкология диспансеры хирурглары корсак куышлыгында бик зур шеш белән авыручы хатын-кызга катлаулы операция башкарган. Бу хакта Татарстан сәламәтлек саклау министры Альмир Абашев хәбәр итте, дип яза «Татар-информ» МА.
Соңгы ике ай эчендә пациентның корсагы кискен рәвештә зурайган. Медицина тикшеренүләре күрсәткәнчә, хатын-кызның күкәйлегендә ямансыз шеш үсеп җиткән, шулай ук корсак бушаулыгында 1,5 литрга якын сыекча тупланган булган.
Пациент сүзләре буенча, аның гәүдәсе авыр хатын-кызларныкына охшап киткән. Шеш эчке әгъзаларга басым ясавы сәбәпле, ашаганнан соң авырлык кичергән, хәрәкәт итүе һәм гади ризык кабул итүе дә авырайган. Кызыгы, корсак зураюга карамастан, хатын-кызның авырлыгы кимегән.
Онкодиспансерда тулы диагноз куелгач, табиблар шунда ук хирургик алышу турында карар чыгарган. Ясалган операция уңышлы узган, хәзер хатын-кызның хәле табиблар күзәтүе астында.
Нет комментариев