Район башлыгы Фәрит Хөснуллин Россия көне белән котлый!

Район башлыгы Фәрит Хөснуллин Россия көне белән котлый

Хөрмәтле райондашлар! 12 июнь – Россия Федерациясе көне белән чын күңелдән тәбрик итәм. 

Бу бәйрәм Ватанын яраткан барлык кешеләр өчен дә кадерле. Без бу көнне туган илебезнең данлы тарихын искә төшерәбез, мәдәни һәм рухи мирасы булган Ватаныбызны олылыйбыз. Ата-бабаларыбызның күрсәткән батырлыгы, ирешкән уңышлары белән горурланыбыз. 

Россия көне патриотизм, хезмәт, җәмгыятьтәге бердәмлек һәм татулыкны, икътисади һәм рухи яңарышны гәүдәләндерә. Ул илебездә яшәүче барлык халыкларның дуслыгын чагылдыра. Кайда гына яшәсәк тә, нинди генә телдә сөйләшсәк тә, без бербөтен күпмилләтле Россия халкын тәшкил итәбез. Намуслы хезмәтләре, һөнәри казанышлары белән Сарман халкы да илебез үсешенә үз өлешен кертә. 

Хөрмәтле сарманлылар! Барыгызны да бәйрәм белән котлап, исәнлек-саулык, бәхет, илебезгә тынычлык һәм иминлек телим. 

Фәрит Хөснуллин, муниципаль район башлыгы