Кормаш авылында яшәүче Миңнегалиевлар тимер туйларын бәйрәм иттеләр

"Сарман: иң яңа хәбәрләр", 3 апрель 2023 - 17:13

1135

Гомәр һәм Мәдинә Миңнегалиевларның гаилә корып яши башлауларына быел 65 ел тулды.

1 апрель көнне үк алар яшәгән йорт балалар, онык-оныкчыкларның шат авазларыннан гөрләп торды. Бүген, 3 апрель көнне, юбилярларны Шәрләрәмә авыл җирлеге башлыгы Наилә Хуҗина, район ветераннар Советы рәисе Асыляр Харисов, авыл ветераннар советы рәисе Роза Шәйгарданова тәбрикләделәр, район башлыгы Фәрит Хөснуллинның Рәхмәт хатын, истәлек бүләкләре тапшырдылар. Авыл җирлеге башкарма комитеты белгече Сәрия Хәлиуллина, авыл фельдшеры Резедә Гайнетдинова да матур теләкләрен җиткерделәр.