Рәхимә апа 90 яшен тутырды

Күтәмәле авылында гомер итүче Мөхәммәтҗанова Рәхимә Закир кызына бүген 90 яшь тулды.

Олуг юбилее белән ветеранны район Советы аппараты җитәкчесе Юлия Исмәгыйлова тәбрикләде, изге теләкләрен җиткереп, район башлыгы Фәрит Хөснуллинның Рәхмәт хатын, чәчәк бәйләме hәм истәлекле бүләк тапшырды. Яңа Имән авыл җирлеге башкарма комитеты секретаре Ләйсирә Хисамиева да юбилярга сихәт гомер, имин тормыш теләде.