Мәгариф легендасы Мәхмүт Газдаловка 95 яшь тулды

"Сарман: иң яңа хәбәрләр", 12 октябрь 2024 - 12:08

802

Гомерен яшь буынга белем hәм тәрбия бирүгә багышлаган районыбызның легендар шәхесе Газдалов Мәхмүт Газдал улын олуг юбилее белән район башлыгы урынбасары Гүзәл Гәрәева тәбрикләде, хөрмәт hәм ихтирам сүзләре җиткереп, район башлыгы Фәрит Хөснуллинның Рәхмәт хатын, истәлек бүләге, күчтәнәчләр тапшырды.

Сарман авыл җирлеге башкарма комитеты җитәкчесе Лилия Шәрипова, район социаль яклау бүлеге начальнигы Лилия Гыйльметдинова, район ветераннар Советы рәисе Асыляр Харисов, мәгариф бүлеге начальнигы Гөлназ Исмәгыйлова, Сарман матбугат үзәге җитәкчесе Альбина Сабирова, туганнары, балалары, оныклары да сихәтлек, ныклык, кадерле гомер теләделәр.
Бүгенге көндә дә актив тормыш позициясе алып баручы ветеран - "Сарман" газетасының актив абунәчесе дә. Умартачы, hәвәскәр бакчачы дигән өстәмә шөгыльләргә дә ия ул. Озын гомерле булу серләре белән дә уртаклашты юбиляр. Алары хакындагы язманы "Сарман" газетасының алдагы санында укыгыз.