Гөлүсә һәм Шәйхелмәрдән Ризатдиновлар зөбәрҗәт туйларын билгеләп үтәләр

"Сарман: иң яңа хәбәрләр", 18 гыйнвар 2019 - 15:52

1713

Яңа Әхмәт авылында яшәүче Гөлүсә һәм Шәйхелмәрдән Ризатдиновларның бергә гомер итүләренә бүген 55 ел тулды.

Шул уңайдан авыл мәдәният йортында бик матур кичә үткәрелде. Зөбәрҗәт туйларын билгеләп үтүче парны иң элек гражданнар хәле актларын теркәү бүлеге начальнигы Гөлчәчәк Вәлишина котлады, аларга муниципаль район башлыгы Фәрит Хөснуллинның Рәхмәт хатын, бүләк тапшырды. Район ветераннар һәм инвалидлар җәмгыятеннән Нурсинә Хәйруллина, Сарман авыл җирлеге башкарма комитеты җитәкчесе Николай Сахуриев, якыннары, авылдашлары, авылларның ветераннар советлары рәисләре дә юбилярларга җылы теләкләрен ирештерделәр. Рөстәм Могыйнов, Рәисә Фәртдинова, Алинә Галиева, Айгөл Минһаҗева, Таһирҗан Зарипов башкаруындагы җырлар кичәне тагын да бизәде. Аны Сәмәрә Хәйруллина алып барды.