Яшь татарстанлылар «Милли мультfest» фестивалендә көчләрен сынап карый алалар

1 ноябрьдә «Милли мультfest» дигән республика балалар кинофестиваленә старт бирелде.
Фестиваль Татарстан Республикасы Президенты ярдәме белән быелның ноябрь аеннан 2021 елның май аена кадәр үткәрелә. Анда 7-17 яшьлек балалар һәм яшүсмерләр, шулай ук коллективлар катнаша ала. Коллективлар катнашкан очракта, уртача яшь исәпкә алына.
Фестивальдә катнашу өчен, татар телендә анимацион мультфильмнар, кыска метражлы фильмнар һәм компьютер уеннары кабул ителә. Сайлап алу турлары 2021 елның 31 январенә кадәр дәвам итәчәк. Район этаплары - өч зонада, соңыннан ярымфинал үткәреләчәк. Финалны 26 апрельдә Казанда уздыру күздә тотыла. Фильмнар DVD, mkv, mp4, avi форматларында info@tatarkino.ru электрон почтасына кабул ителә. Тулырак мәгълүмат - http://www.tatarkino.ru/.