Яңа Имән җирлеге башлыгы Халыкара дуслык көнендә туган

“Халык белән уртак телне тиз таба, дус-тату, аңлашып эшли. Нинди генә чара, өмә оештырса да, үзе башлап йөри, иң беренче үзе эшкә тотына”, диләр аның хакында җирлектә, яратып, үз итеп. Бервакытта да зарланмый, нинди генә авырлыкка да бирешми торган, сабыр холыклы, үз хезмәтен яратып башкаручы җитәкче, чыннан да, һәркемгә игътибарлы һәм ихтирамлы. Без аны гомер бәйрәме белән тәбрикләп, саулык-сәламәтлек, күңел тынычлыгы, гаилә иминлеге һәм уңыш юлдаш булуын телибез.