Әти-әниләр өчен хокукый семинар үткәрелә
Быел Татарстан Республикасында Кеше хокуклары буенча вәкаләтле вәкил инвалид балаларның әти-әниләре өчен түләүсез юридик ярдәм күрсәтүне һәм хокукый белем бирүне максат итеп куйган социаль проектны гамәлгә ашыра.
Ул Россия Федерациясендә балачакның 10 еллыгына багышлана. Шулай итеп, 13 ноябрьдә 15.00.-16.00 сәгатьләрдә вәкаләтле вәкил каршындагы Хокукый белемнәр мәктәбе видеоэлемтә режимында “Аерым категория гражданнарны санатор-курорт дәвалавы белән тәэмин итү” дигән семинар үткәрә. Аның максаты – ата-аналарны санатор-курорт дәвалавына путевкалар белән тәэмин итү, бу дәвалауның уңай һәм тискәре яклары, социаль хезмәтләр җыелмасын бирү тәртибе һәм башкалар белән таныштыру. Семинарда катнашу өчен, 89991579442 номерына WhatsApp яки смс-хәбәр белән исем-фамилиягезне һәм телефон номерыгызны җибәрергә, билгеләнгән вакытта Zoom буенча конференциягә ялганырга кирәк. Сылтама соңрак җибәреләчәк. Элемтәгә керүче зат: Галиуллина Аделина Илдар кызы.
Шунысын да хәбәр итәбез: Adelina.Galiullina@tatar.ru электрон адресына кыска сорау белән мөрәҗәгать итәргә мөмкин.
Следите за самым важным и интересным в Telegram-каналеТатмедиа
Нет комментариев