“Татнефть” илнең иң нәтиҗәле эшли торган берләшмәсе булып танылды

“Татнефть” илебезнең социаль яктан иң нәтиҗәле эшли торган нефть һәм газ чыгаручы берләшмәсе дип танылды. Әлеге рейтингны AK&M агентлыгы төзегән.

Бу хакта “Татаринформ” агентлыгында каләм әһелләре өчен үткәрелгән конференциядә “Татнефть” берләшмәсе генераль директоры урынбасары Дамир Мөхәммәтшин хәбәр итте.
- Кичә безгә Россиянең нефть һәм газ чыгару тармагының социаль яктан иң нәтиҗәле компаниясе бушлып танылуыбыз турында хәбәр килде”, - диде ул.
Ул шулай ук компаниянең 2030 елга кадәр расланган стратегиясе кысаларында экология һәм әйләнә-тирә мохитне саклау буенча да чаралар кертелгәнлеген әйтте. “Безнең барлык бурычлар әйләнә-тирә мохиткә йогынтыны бәяләү призмасы аша үтә”, - диде ул бу уңайдан.
Компания эшчәнлегенең социаль нәтиҗәлелеге һәм эшчәнлекнең әйләнә-тирә мохиткә йогынтысын чагылдыручы нисбәт рейтингына 35 компания кергән. Экспертлар социаль тармакны һәм хәйриячелекне финанслауны, әйләнә-тирә мохитне саклауга чыгымнарны һәм башкаларны бәяләгәннәр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: