Татарча диктант язабыз. Хаталарыгыз турында үзегез генә беләчәксез

Әлеге акциянең максаты – татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Һәр теләгән кеше, диктант язуда катнашып, татар телен белү дәрәҗәсен тикшереп карый ала.Районда диктантны барлык мәктәпләрдә язачаклар. Ул 11.00 сәгатьтә башлана. Татарча ни дәрәҗәдә дөрес язуыгызны тикшереп карау өчен, үзегез теләгән мәктәпкә бара аласыз.
Диктант нәтиҗәләре акция уздырылганнан соң 30 көннән дә соңламый сайтта урнаштырыла. Аларны бланкта язылган серсүз, шулай ук фамилия һәм исем буенча белеп булачак. Акцияне уздырганнан соң, мәйданчыкны оештыручы http://diktant.tatar/ сайтындагы шәхси кабинетында билгеләрне урнаштыра.